قصيدة محلية شعبية

على نسج الكلام اللي سحابه ينبت المعنى

ومنواله لسان ما تعطل يوم شغلته

أدور لي على بيتين بيت ما ينزلنا

وبيت من سنام الجو مثل الغيث نزلته

كأني حر ما يقنص سوى لا غرد وغنى

وما يقنص حبارى لن قلب الفكر وكلته

وخافق كلما فارق يصير الموت له أدنى

وإذا يلقى يفارقني ولو بدل ما بدلته

وجف الدمع لاجل العين ما تسأم وتتهنى

وياقف خدك المحزون يسأل ليش بللته

إذا ما مرني طيفك وقال بلهجته كنّا

بقايا ثوب ينسجني وانا اللي كنت فصلته

أرصف له حروف لو يموت الشعر ما تفنى

وعلى ما يقبل احروفي أكون بهون قبلته

..